انتخاب با ايسا !!
غزل جونی ، گلم ، حالت چطوره ؟ گلم، حـال تیی کالت چطوره؟
خشی، خوبی، گل مینا بنــوشم ؟ یل بالا بلَی بــــاوینه پوشم
ولات و ایل و مالِت در چه حـالن جوونل دیبلالِت در چه حالن ؟
بگ بینم بهـــــار ابیده صحرا سرو ایگو هنی هم خاله زهرا ؟
هنـــی ساز و نغاره و داوتی هه من آبـــادی فقیر پاپتی هه؟
هنی هم خهک و خل من مال هسی بگ او سـی کلک امسال هسی؟
هنی هم سند موری رسمه یـا ،نه شلی شیری م دوری رسمه یا ، نه؟
غلــــوممه چطوره تیزه بیلش هنی تیــغ ایزنه بی زر سبیلش؟
کسی حال کسی ن ایپرسه یـا نه ریاست خانقلی خان قرصه یا نه؟
یه نامه ی دادی و کـردی خرابم وری تاوه ی تیت کـردی کبابم
چه وابیــیه که نامه ت بو غم اییه اول تـا آخرش بـو ماتم اییه
گمون کردم کـه مهلی رو به رایی کنیزی نیکنی خـوت شامرایی
دلم نیخو کـــه دلتنگ مو وابی کلــو وابی و همرنگ مو وابی
یه دف ایگی که لهری بـو نیاره کمش خالیه شــوم شو نیاره
یه روز ایگی که من باغـم بلی نی یه شو ایگی که من پیلم تلی نی
پسین ایگی که تش چالی مو کوره صباش ایگی که زن حالوت بوره
یه روز ایگی که حوض هونه خشکه یه دف ایگی تویزه م چال مشکه
یه گی ایگی که پازن تیر خرده تیی میمینه هف من فیر خـرده
تو فکر حال و پال سال خــوت بو وه فکر کهره ی کرچال خـوت بو
مگُ جونــــم سرو من مال نیسی علف ســی کهره کرچال نیسی
فرما ،گــانُ، گرگش لاتنـــایه کمــر نوبنـــد کفتار اشکنایه
تو ایگی ، دُز، ولاتـــه داده دم باد توهم مث مو دروکن،داد بی داد!
یکی نیسی بگــــو مه تو پلیسی کو حالو مه تو "چن "سر ره دریسی؟
تو فکر حال و پال سال خــوت بو وه فکر کهره ی کرچال خـوت بو
تش و تنگــــی اگر کوره جهنم اگر سگ بی رووه جوره وه جهنم
جهنــــم، ار یه دار سوز نیسی درک، ار ماهیی من حوض نیسـی
درک، ار بزگــری وابی وه پازن شل و کـــور و کلو، وابی نهازن
مو دلتنگ تونم ؛یعنی تـونَ ایخوم بیو پلتــــه بپیچن دور نی خم
وری ملکیت اگر تنگه، لچش کــن زمهسونِ، وه شلغم دلته خش کــن
بوین دنیا چقر خــــوب و قشنگه همی جا خندیه، شهر فرنگه
***
تو هوشابنگ حال احوال خــوت بو وه فکر شلغم امسال خـــــوت بو
دلم ائ خو یه غزل وت بنویسم سِی کهُ
جا قلم، خوم وه سر ائ بلگ بدیسم سِی کهُ
او قدر خَرس بریزم بئ هر بیت غزل
که وه طهر گل اؤ دیده بخسیم سی که
مو مریض تیَل کال تنم، وا ویلا!
ده بیؤ تا مو وه ائ درد وریسم سی که
مزمت داره که ارزو وه دلم بو و برم
مزمت داره نبینمت و بپیسم سی که
دس تو طووم عسل داره بنش مئن دَ سم
تا وه یاد تو چلیکلمه بلیسم سی که..
غزلم داره تموم ائ بو و گپ پر دلمه
وه همی خَرس پتی، تر یَ جلیسم سی که
چه خشه تو بگروم اما نميرم تا بيي بالي سرم دارته بوينم
پسِ خاکریز دل غم جا گِرُته
بچه ی دل بونه ی لالا گرته
للا لا لا، للا لا لا للایی
دلم تنگه دلم تنگه خدایی
سر کُنجِ تیم غم چینه کرده
یه دنیا دل هوی بابینه کرده
وطر روغن که سُتِه ولایه بسه
یه داغی سر دلم خین مایه بسه
با ريتم دامبلي دامبو بخونين.
گُل ناز مرمرشکی دیر اومدی دلمه برشتی
سیم یواش بُی دست خط زشت نامه نوشتی
گل نازه تیه کاله قد بلند ابرو کمونوم
خوته بُی اوو بی وفایی سیم سرشتی
مو سفر کردیه مالُم کسی وَم نیکنه یادی
هیشکه نیگه سیچه سی،بی وفایی دل دادی؟
مو که سر شکسته رفتُم وَ تو وُ مــــال تو مو
پُی رقیبُم سی عــــنق دله مو وایــســــــادی
شامپو تخم مرغي صادره به كشور پرتغال
اَلصَنَم فتو شاپ ني به همي دسته صندلي قسم